Home » » Prof.Mbarawa-Tutauza Misafara Nje ya Nchi

Prof.Mbarawa-Tutauza Misafara Nje ya Nchi

Written By Bigie on Monday, June 6, 2016 | 11:00:00 AM

TANZANIA itaanza kuuza masafa ya mawasiliano kwa njia ya mnada kuanzia mwakani.

Waziri wa Ujenzi, Uchukuzi na Mawasiliano, Profesa Makame Mbarawa alisema hayo jana baada ya kumaliza mkutano wake na Mtendaji Mkuu wa Nchi wanachama wa Mawasiliano katika Jumuiya ya Madola, Dk Shola Taylor.

“Kuanzia mwakani mnada wa masafa utaanza, zoezi hilo ni jipya hatuwezi kufanya makosa, nina imani tutapata fedha za kutosha, ” alisema.

Waziri Mbarawa alisema masafa hayo yalipatikana baada ya Tanzania kutoka analojia kwenda digitali ambapo masafa 700- 816 yako wazi.

Alisema baadhi ya nchi barani Afrika zimeanza kuuza masafa kwa njia ya mnada na sasa Tanzania itaanza mwakani na kuongeza kuwa nchi za Ghana na Nigeria zimefanikiwa katika hilo na Tanzania inataka kufanya kitu kutokana na mafanikio hayo.

Alisema watakaonunua masafa watatakiwa kuyatumia, vinginevyo wanaweza kunyang’anywa masafa hayo na kuwa wanataka kujipanga vizuri ili sekta hiyo ipate fedha na anaamini Tanzania itafanikiwa katika hilo.


Advertisement
hapa

Post your Comment

Habari Mpya

Popular Posts