Home » » Wanaotaka Kusajili Namba Binafsi za Magari au Majina yao, Watakiwa Kulipia Sh10 milioni

Wanaotaka Kusajili Namba Binafsi za Magari au Majina yao, Watakiwa Kulipia Sh10 milioni

Written By Vuvuzela on Thursday, June 9, 2016 | 10:22:00 AM

 
Bajeti ya Serikali iliyotangazwa huenda ikapunguza idadi ya watu wanaopenda kuonekana tofauti, kwenye usajili wa magari kwa kuandika majina yao badala ya namba.

Wamiliki wa magari wanaotaka kusajili namba binafsi kama kuweka majina yao, sasa watalipa Sh10 milioni badala Sh5 milioni za awali, kwa kipindi cha miaka mitatu.

Akitoa mapendekezo ya mapato na matumizi ya Serikali kwa mwaka 2016/17 jana, Waziri wa Fedha na Mipango, Dk Philip Mpango aliomba Bunge liridhie kufanya marekebisho ya Sheria ya Magari (Kodi na uhamisho wa umiliki) ili kupandisha usajili wa namba hizo.

Namba hizo binafsi zilizoanzishwa miaka minne iliyopita, zinaruhusu mtumiaji kuandika jina au neno lolote kwenye gari lake tofauti na namba za kawaida zinazotumika nchini.

Advertisement
hapa

Post your Comment

Habari Mpya

Popular Posts