Home » » Jinsi wezi walivyoiba mtambo wa ATM wa Benki ya Equity

Jinsi wezi walivyoiba mtambo wa ATM wa Benki ya Equity

Written By Bigie on Tuesday, November 8, 2016 | 11:19:00 AM

Polisi nchini Kenya katika mji mkuu Nairobi wamemkamata mlinzi wa Benki ya Equity na kumhusisha na wizi ulifanyika katika mtambo wa kutoa pesa, ATM. mwishoni mwa juma lilipita na kisha kutoweka. Wezi hao walitoweka na kiasi cha pesa ambacho hakijajulikana kwa sasa.

Wezi hao walichimba ukuta wa nyuma wa Benki hiyo na kutoweka na sanduku la uhifadhi wa fedha pamoja na mtambo mzima wa ATM, huku likiwa na fedha ndani yake.

Inasemekana wezi hao waliweza kuzima kamera za CCTV na pia kengele ya usalama kabla ya kutekeleza wizi huo.

Kamanda wa jimbo la Nairobi Japheth Koome amesema kwamba polisi walikuta mitungi ya gesi na vifaa vingine ambavyo hutumuka kukata chuma.

Kamanda alisema inashangaza kuona kwamba wezi wa siku hizi wanapata maarifa mapya na kufanya matukio utadhani kwenye filamu na kutadhalisha wizi wa mabenki umeendelea kubadilika kila siku.

Mwaka uliopita kwenye tukio lingine kama hilo, wezi walijifanya kama wakaguzi wa hesabu katika benki hiyo walitoweka na dola za Marekani 300,000.

 – BBC/Swahili

Advertisement
hapa

Post your Comment

Habari Mpya

Popular Posts